MKUU WA WILAYA YA KITETO MARTHA JAKI UMBULA KATIKA UZINDUZI WA TASAF AWAMU YA TATU -KITETO 2014
 |
| MRATIBU WA TASAF WILAYA ROSEMERY GARIBONA AKIWA KATIKA UZINDUZI WA TASAF AWAMU YA TATU KITETO 2014 |
DC
Kiteto awataka wananchi kulinda amani
Na Mohamed Hamad
MKUU wa wilaya ya Kiteto Martha Jaki Umbula amewataka
wananchi wilayani humo kulinda amani ambayo ilianza kutoweka kutokana kwa
kuibuka migogoro ya ardhi ya mara kwa mara kati ya wakulima na wafugaji
Akizungumza hayo kwenye uzinduzi wa TASAF awamu ya tatu jana
mkuu huyo wa wilaya amesema amani ikitoweka hata utekelezaji wa miradi ya
maendeleo ya wananchi inakuwa vigumu
“Huwezi kupeleka mradi eneo ambalo halina usalama, hivi
karibuni wilaya yetu ilikumbwa na migogoro ya ardhi kati ya wakulima na
wafugaji hali iliyoleta taswira mbaya kwa watu kuuana”
“Niwaombe wananchi kwa kila mmoja ulina amani ambayo
ikitoweka hakuna anayeweza kufanya maendeleo yoyote na kwamba TASAF awamu ya
tatu itafanikiwa tu endapo amani hii ikiendelea kutawala”alisema Umbula
Kwa upande wake Chamila Bidya mmoja wa maafisa wa mradi
wa jamii TASAF Taifa akiwasilisha mpango na taratibu za utekelezaji wake
alisema jula ya vijiji 37 Wilayani humo vitanufaika na TASAF awani ya tatu
Alisema awamu ya tatu ya TASAF imejielekeza zaidi katika
kusaidia kaya maskini tofauti na awamu ya pili ambayo ilijiielekeza katika
kusaidia miradi ya jamii kama afya,elimu na miundombinu
Wakichangia hoja hiyo baadhi ya wajumbe walikosoa
utaratibu huo wakidai kuwa hautakuwa na tija kusaidia mtu mmojammoja na badala yake manufaa yangepatikana tu kwa
kuanzisha miradi ya jamii
“Haya hiyo 8,500 kwa mlengwa haina maana kwakuwa huduma
za jamii zenyewe hazipo kwa kiwango stajili kwani elimu,afya,vyote vinahitaji
kugharamiwa hivyo kiasi hicho kilichotajwa kwa mtu maskini hakitosho”alisema
Ibrahimu Ole Mario katibu Tarafa Tarafa ya makami
Mwisho
Maoni
Chapisha Maoni