mmoja wa wakulima katika kijiji cha Ndirigishi kata ya Engusero muda mfupi baada ya kuuawa na watu wanaodaiwa kuwa ni wafugaji Picha na Mohamed Hamad Manyara
Mgogoro wa ardhi Kiteto.
Wakulima 2 wauawa 20 wajeruhiwa
Na Mohamed hamad
Wakulima wawili wamepoteza maisha kwa kukatwa katwa
mapanga na wengine ishirini kujeruhiwa wilayani
Kiteto mkoani Manyara baada ya kuvamiwa na wafugaji katika maeneo tofauti kutokana
na mgogoro wa ardhi kati yao na wafugaji
Waliouawa ni pamoja na Selemani Chihamilo (30) wa
Ndirigishi na Zuberi Rashidi wa kijiji cha Chekanao huku wengine zaidi ya
ishirini wakiendelea na matibabu Hospitali ya wilaya ya Kiteto na kituo cha
afya cha Enguseri
Kamanda wa polisi wa mkoa wa Manyara Deusdedit Nsimeki
amekiri kutokea matumikio hayo na kwamba kikosi maalumu cha polisi kutoka
Manyara kimewasili kwa ajili ya kuzuia mapigano hayo
“Polisi wako eneo la tukio kwa hivi sasa ambapo wengine wako
kijiji cha chekanao alikouawa mtu mmoja shambani kwake akikataza mifugo
isiingie shambani na mwingine Kijiji cah
Ndirigishi ambapo mkulima mwingine kauawa hivyo tumetawanyika kukabiliana na
tukio hilo” alisema
Mauaji hayo ni mwendelezo wa mapigano ya mara kwa mara
ambapo mwaka huu Waziri mkuu Mizengo Pinda aliwasili Wilayani humo baada ya
kuuawa zaidi wa watu kumi na kuagiza watu hao wakamatwe na kufikishwa
mahakamani
Toka agizo hilo litolewa wafugaji na wakulima wameendelea
kuhasimiana huku wakiuana kutokana na madai ya kuingiliana kwenye maeneo ya
kazi jambo ambalo limedaiwa uongozi wa wilaya umeshindwa kuwakutanisha ili
kuondoa tofauti zao
“Mgogoro wa ardhi kiteto umedumi kwa zadi ya miaka kumi
kutokana na kutumika kama vyanzo vya mapato ya baadhi ya viongozi ambapo Katibu
Mkuu wa CCM Abrahamani Kinana akiwa ziarani hapa alisema ataenda kuongea na
Rais juu ya tatizo hili” alisema Bakari Maunganya (mwananchi)
“Kama kweli viongozi wetu hawahusiki tungewaona
wakishiriki nasi katika misiba kutoa hata pole kama ilivyo maeneo mengine ya
nchi hii,tazama toka maafa haya yatokee juzi hakuna kiongozi yoyote aliyeongea nasi
hata kwenye vyombo vya habari”
Kwa mujibu wa Mwenyekiti wa Halamshauri ya Wilaya ya
Kiteto Minge Lemalali amekiri kuwepo kwa tatizo la uongozi ambapo alisema
linachangiwa na baadhi ya viongozi wasiokuwa waadilifu kutoka wilaya na mikoa
ya jirani
“Huwezi kuisemea wilaya ya jirani juu ya jambo lolote
kwani kila wilaya ina mipaka yake sasa inakuwaje Mbunge wa Kongwa Jobu Ndugai
azungumzie wilaya ya Kiteto kuwa kuna mauaji na sio eneo lake huu ni
uchochezi”alisema Mwenyekiti wa Halamshauri Mainge Lemalali
Kila kiongozi ana mipaka yake ya kiutawala hivyo kila mtu
azungumzie eneo lake namuomba Ndugai aiache Wilaya ya kiteto asituingilie kabisa na kama anataka eneo la
kilimo afuate utaratibu na sio kuvamia kama wanavyovamia watu wake hatukubali
Akiongea kwa njia ya simu Mbunge wa Kongwa Jobu Ndugai
alisema Wilaya ya Kiteto ni sehemu ya Tanzania hataacha kuizungumzia kwa kuona
kuwa imekuwa eneo hatari kwa watu wanaojihusisha na shughuli za kilimo kuuawa na
kuongeza kiongozi mzuri atapimwa na wananchi wake
“Kila raia wa nchi hii ana haki ya kuishi mahali popote
ili mradi asivunje sheria sasa kama kuna anayevunja sheria huko Kiteto tuone
wakiadhibiwa na mahakama na sio kuuawa kinyama tena eti kwa kuchinjwa”alieleza
Ndugai huku akionyesha kukerwa na vitendo hivyo
Alisema Serikali inajua kinachofanyika Kiteto na sio
kingine bali ni ubaguzi wa kikabila wa hali ya juu na kuiomba kuharakisha
maamuzi yao ambayo yatasaidia kuepusha vifo hivyo ambavyo havina sababu tena
kwa nchi hii inayosifika kwa amani duniani
Mwisho
Maoni
Chapisha Maoni