NA. MOHAMED HAMAD MANYARA.
MKUU wa wilaya ya Kiteto
mkoani Manyara Kanali Samuel Nzoka amekabidhiwa cheo cha (laigwanani) kuwa
msemaji wa rika la korianga ndani ya jamii ya kifugaji masai ambapo atakuwa na
jukumu la kusimamia masuala mbalimbali yakiwemo usuluhishi
Cheo hicho alikabidhiwa
kwenye sherehe iliyoandaliwa na jamii hiyo ya (kimasai) ya kupanda rika
iliyofanyika katika kijiji cha Mbigiri kata ya Partimbo ambapo atakuwa na uwezo
wa kuzungumza na rika hilo
kwa masuala mbalimbali yanayowahusu
“Kundi hili la korianga
Kiteto ndilo lililokuwa linajihusisha na uhalifu hapa ukiwepo wa mauaji kati ya
wakulima na wafugaji nafasi hii itakuwa mwarubaini wa mauaji kwani kiapo hiki
atakayekiuka atapata madhara kwa jamii hii”alisema Kanali Nzoka
Awali Mkuu wa wilaya
akizungumza na kiongozi wa mila Mbambire Olkurukuru alimwagiza kuita vikao
ndani ya jamii hiyo na kuzungumza na vijana hao wa rika la Korianga kwani lilikuwa
tishio kubwa kwa wananchi ambapo sasa amedai hali ni shwari
Agizo hilo
lilitekelezwa kwa kufanyika vikao mbalimbali katika vijiji vya Ndaleta, Kimana na Lalala
ambapo jamii hiyo iliweza kuelezwa agizo hilo
la Serikali kuwa waache kujiingiza kwenye uhalifu ambao umeleta madhara makuybwa
ndani ya wana-Kiteto
Katika sherehe hiyo ya
kupanda rika kundi kubwa la vijana hao wa kimasai wakiambatana na makundi
mengine ya jamii hiyo walionekana wakiwa na vipande vidogo vya matawi ya miti kama ishara ya kurejesha amani wilayani humo na kufanya
mila kwamba atakayekiuka atapata madhara makubwa
Kanali Nzoka alikabidhiwa
rungu jeusi maafufu (orkumaa) kama ishara ya
kuwa kiongozi wa rika la korianga ambaye atakuwa anaalikwa kwenye vikao
mbalimbali na kupata nafasi ya kuongea nao katika masuala mbalimbali
yanayowahusu na hata maagizo ya Serikali
Mbambire Oleikurukuru kiongozi
wa mila akizungumza na MTANZANIA alisema nafasi hiyo inatolewa kwa watu mwaminifu
ndani ya jamii hiyo, hivyo wamemwamini mkuu huyo wa wilaya kama
mtu ambaye hawezi kuwasaliti na atashikikishwa mambo mbalimbali ya jamii hiyo
“Wamasai tuna mambo mengi
yanayohusu mila zetu…sisi tumemwamini mkuu huyu wa wilaya tutashirikiana naye
katika kukemea masuala mablimbali ndani ya jamii yetu ambayo hufanywa na
makundi mbalimbali kama vile uhalifu wa wizi
wa mifugo,na hata mauaji”alisema
Jamii ya wafufaji masai na
wakulima walihasimiana wakigombea ardhi mwanzoni mwa mwaka jana wilayani hapo
ambapo zaidi ya watu 38 walipoteza maisha na kuisukuma Serikari kuingilia kati
kwa kuweka kambi kurejesha amani iliyokuwa ikisuasua wilayani humo
MWISHO
Maoni
Chapisha Maoni