Bonde la Ufa lajitokeza Chemba
·
kaya 30 zakosa
makazi, nyumba zaanguka
·
Familia 162
zatakiwa kuhama
·
Mamia wamiminika
kushuhudia mipasuko hiyo
NA. MOHAMED HAMAD
Bonde la Ufa
limejitokeza kitongoji cha Bomba Kijiji cha Olboloti Wilayani Chemba Mkoani
Dodoma, na kusababisha taharuki kwa familia 16 kukimbia makazi yao
na kuomba hifadhi nje ya eneo hilo
baada ya kutokea mipasuko mikubwa kwenye nyumba zao na ardhini
Jumla ya kaya 162 zinatakiwa
kuhama katika eneo hilo
ambalo kwa sasa kuna mipasuko mikubwa ambayo inafanya mamia ya wananchi kutoka
katika maeneo mbalimbali kushuhudia huku wengine wakisema kuwa ni maajabu
yaliyotokea na kuwataka wataalamu kuja kushuhudia
Akizungumza na wananchi wa
Kitongoji cha Bomba Bw.Gabriel Mbogoni
wakala wa Jiolojia Tanzania chini
ya Wizara ya Nishati na Madini Dodoma alisema utafiti wa awali unaonyesha kuwa
eneo hilo liko kwenye ukanda wa Bonde la ufa
Alisema tabia ya bonde la Ufa huwa kuna mipasuko mingi inayojitokeza chini ya ardhi ambapo
juu sio rahisi kuiona na mara baada ya kujitokeza ndipo mwonekano wake unajitokeza
tena ukiwa na madhara makubwa kama
yalivyojitokeza katika eneo hilo
Alisema moja ya sababu ya
mipasuko hiyo ni kushuka kwa kina cha maji, na baada ya mvua kunyesha kwa kiasi
kikubwa maji yalipenya na kufuata nyufa kisha kuchukua udongo wa juu na kwenda
nao chini ya ardhi ambapo madhara yake ni mipasuko iliojitokeza
“Ningeshauri wananchi mhame
katika eneo hili kabla ya madhara hayajajitokeza, tafuteni eneo lingine
kwaajili ya makazi yenu, hapa hapafai tena kuishi kwani mko kwenye ukanda wa
Bonde la ufa
mtazidi kuona mipasuko ikiendelea ambayo itasababisha kamazi yenu kuharibika”
Kwa mujibu wa Abdala Suti
Mwenyekiti wa Kijiji cha Olboloti alisema chanzo cha tukio hilo ni kunyesha mvua kubwa siku hiyo kwa
masaa matano mfululizo na kusababisha kutuama maji mengi ambapo ghafla yalizama
chini na kutokea mipasuko hiyo
Alisema akiwa nyumbani kwake
alipata taarifa kwa wananchi waliopata hofu kuona hali hiyo wakimtaka afike na
kuwasiliana na mamlaka za Serikali kwaajili ya kufanya uchunguzi wa kina juu ya
tukio hilo
ambalo liliibua husia tofauti za watu baada ya kuona mipasuko hiyo
“Nilipofika nilishuhudia
mapango makubwa ndani ya ardhi kila aliyeona alibaki kumshukuru Mungu kwani
mingine ilijitokeza ndani ya nyumba za watu na hata mtu angetumbukia asingeweza
kuonekana kulingana na ukubwa wa mapango hayo”alisema Mwenyekiti huyo
“Ndugu zangu wananchi utata
uliokuwa umejitokeza baada ya kuona mipasuko hii kila kona ya maeneo yetu, sasa
wataalamu wamefika wameshauri hapafai kuishi ni vyema tukawa wasikivu ili
tuepushe maisha yetu”alisema Mwenyekiti Suti
Alisema Serikali ya Kijiji
itahakikisha kuwa wananchi wa maeneo hayo wanapatiwa maeneo mengine kwaajili ya
makazi, tofauti na maeneo hayo ambayo kwa sasa hayatakiwi kuishi binadamu
kutokana na kuibuka kwa mahandaki na mipasuko hiyo
Kwa mujibu wa Mwenyekiti huyo
alitaja baadhi ya nyumba ambazo wananchi waliridhia kuhamia kwenda kuomba
hifadhi kwa ndugu na jamaa zao kuepuka madhila hayo kuwa ni pamoja na Adamu
Iddi Ndalo,Aisha Siraji,Habibu Waziri,Salum Manyehe na Godson Loilole
Wengine ni Adamu Cheru,Bakari
Mchana, Mtu mmoja aliyejulikana nkwa jina la Turuku,Issa Binge,Henedi
Kiberenge,Rama Mrangi,Iddi Ramadhani,na Sarah Adam ambao kwa pamoja wamedaiwa
kuwa watapata maeneo mengine kwaajili ya kuanzisha ujenzi upya
HOFU KWA WANANCHI
Hofu imetanda kwa wananchi wa
eneo hilo baada ya kuona mipasuko mingi ikizidi
kujitokeza wasijue cha kufanya huku wengine wakianza kuhamisha familia zao kwenda
kuhifadhiwa kwa ndugu na jamaa zao wakidai hata kama
watalazimishwa kuishi humo hawako tayari
Nilichojionea siwezi kuelezea
nendeni kwangu mpasuko uliotokea zaidi ya watu kumi wanaweza kutumbukia na
wasionekane na hapo ndipo kulikuwa na kitanda changu kwakuwa nimenusurika basi bora
niondeke hapo alisema Adamu Cheru
Naye Godson Loilole aliitaka
Serikali ya Kijiji hicho kuwa pamoja na kuwapatia maeneo mapya kwaajili ya
kuanzisha ujenzi, huku akisisitiza kuwa eneo hilo lipimwe pasitokee tukio la namna hiyo
kwani kwakuwa hakuna aliyepoteza maisha wachukue tahadhari
Alisema mbali na kuahidiwa
kupewa maeneo mengine ya makazi utazamwe upya utaratibu wa kuwafidia waathirika
kwani wengi wao walijenga nyumba za gharama ambazo kwa sasa hawawezi kuishi
humo kutokana na mipasuko hiyo
“Huwezi kusema tu ondokeni na
kupewa maeneo mengine nani atalipa gharama tulizotumia kujenga nyumba zetu,
kwanini Serikali hamkufanya utafiti wa kina kujua kama eneo hilo halifai kuishi watu?”alihoji huku akidai
kuwa atadai haki zake hata mahakamani
Kwa upande wake Juma Kidevu
(mwananchi) alisema kuna kila sababu ya kufanyika utafiti wa kina, kupimwa
maeneo hayo kuona kama yanafaa kwa makazi ya binadamu ili kuepukana na changamoto za kimaisha kama
hizo zilizojitokeza
Alizitaka mamlaka za Serikali
na zisizo za kiserikali kufanya tafiti za kina juu ya tukio hilo
kwani madhara kama hayo yaliweza kujitokeza katika
meneo mbalimbali lakini hakuna aliyebaini na kusaidia ili wananchi wachukue
tahadhari
Kwa upande wake Idi Ibrahimu
msuya (mwananchi) alisema akiwa nyumbani kwake siku hiyo aliona maji mengi
yakiingia ndani ya nyumba kisha kuitaka familia yake kutoka nje , ambapo hapo
aliona kila kaya wakipiga mayowe kuomba msaada kutokana na maji hayo
Alisema ghafla maji hayo yalizama
chini ya ardhi, huku nyumba yake ikionekana kuwa na mpasuko ambao ulimpa shaka
kisha kwenda kwa majirani ambapo hapo alizidi kushuhudia mipasuko ya nyumba za
jirani ikiongezeka na ndio wakajua kumbea eneo hilo lina matatizo
Wadau wa matukio
Naye Gabriel Tuke mdau wa
matukio yanayojitokeza ardhini na angani na Mratibu wa shirika lisilo la
kiserikali la SWEAT linalofanya kazi ya matumizi bora ya ardhi Kiteto alisema
yaliyotokea Ololoti hayapaswi kupuuzwa kwani ndio yanayoendelea kujitokeza nchi
zilizoendelea kama Mexico
Alisema wanasayansi kutoka
vyuo mbalimbali hapa nchini wanapaswa kuonyesha uwezo wao wa kielimu kupitia
tukio hilo
kueleza kilichojitokeza na kutoa ushauri wa kitaalamu kwa wananchi ili waweze
kujilinda wasiweze kupata madhara zaidi
Kwa upande wa baadhi ya
wananchi hao akiwemo Aisha Siraji,Godson Loilole Adamu Cheru na Iddi Ramadhani
walisema wako tayari kuondoka kupisha madhara yanayoweza kujitokezana na
kuitaka Serikali kufanya uchunguzi wa kina katika maeneo waendako kama yako salama
“Tumejionea haijawahi kutokea
uko ndani uasikia maji yanaunguruma chini ya ardhi huku ukishuhudia nyumba
inavyopasuka sambamba na ardhi, toka dunia iumbwe haijapata tokea hili ni geni sana katika maeneo
haya”alisema Mzee Cheru
Katika hatua hiyo wananchi
hao wameitaka Serikali kufanya utafiti wa kina na wakitaalamu kujua juu ya
ardhi katika maeneo hayo ambayo inaonekana kuwa na dalili za madini ya aina ya
chokaa wakidai yanaweza yakawasaidia kwa siku za usoni
Baadhi ya wananchi
waliozungumza na MTANZANIA walisema kwa muda mrefu wamekuwa wakichimba eneo hilo na kutumia udongo huo kama
chokaa wasijue na kuitaka Serikali kutuma wataalamu kuja kufanya utafiti huo
mwafaka kwa hivi sasa
Mwishi
Maoni
Chapisha Maoni