IGP Ernest Mangu
·
Ni baada ya
kumwokoa mtuhumiwa wa wizi asiuawe
MOHAMED HAMAD KITETO
Askari Polisi namba H.3068 PC
Ginwe wa kituo cha Kibaya wilayani Kiteto mkoani Manyara, amenusurika kifo na kuporwa
silaha aina ya SMG pamoja na risasi zake mnada wa Dosidosi uliopo Kijiji cha Dosidosi
wilayani humo akituhumiwa kumtorosha
mwizi aliyekuwa auawe na watu wenye hasira kali.
Tukio hilo limetokea majira ya saa saba mchana
Kijijini hapo ambapo mtuhumiwa alidaiwa
kumpora mmoja wa wachuuzi wa ng’ombe fedha taslimu tsh laki nane alizouza
ngombe kisha kukimba na baadaye kukamatwa na kuanza kushambuliwa kwa silaha za
jadi
Wakati mtuhumiwa
akishambuliwa na watu wenye hasira kali askari waliokuwepo wakilinda mnada huo
walijitokeza na kutaka kumwokoa kwa kupiga risasi za moto juu ili wasiweze
kumdhuru bila mafanikio na ndipo
wakatafuta gari aina ya noah na kumpakia haraka na kumkimbiza kwenda
Kibaya makao makuu ya wilaya ya Kiteto
Askari PC. Ginue katika
mazingira ya kumwokoa aliachwa na gari hilo
lililokuwa linamtorosha mtuhumiwa ambapo hapo alianza kushambuliwa na baadhi ya
jamii ya kifugaji waliomtuhumu kumtorosha mhalifu waliyetaka kumuua kwa kosa la
wizi.
Katika hatua hiyo askari huyo
alijeruhiwa sehemu mbalimbali za mwili wake kisha kunyang’anywa silaha aina ya
SMG na watu ambao hawakujulikana kisha kutokomea nayo kusiko julikana
Kwa mujibu wa Juma Maganga
Afisa Mtendaji wa Kata ya Dosidosi alisema jitihada za kuwatafuta watu
waliohusika na tukio hilo
zinaendelea na kwamba watu watatu akiwemo askari polisi wamejeruhiwa na
kukimbizwa katika Hospitali ya wilaya ya Kiteto kwa matibabu zaidi.
Kwa mujibu wa askari mmoja ambaye
hakutaka kutajwa majina yake gazetini alieleza MTANZANIA kuwa
Afisa wa upelelezi wa makosa
ya jinai wa mkoa wa Manyara aitwaye Justine Masejo amelazimika kuanza safari
kwenda Kiteto kwaajili ya tukio hilo.
Kanali Samuel Nzoka Mkuu wa
Wilaya ya Kiteto amekiri kutokea tukio hilo
na kuwataka wananchi kutoa ushirikiano kuwakamata watu waliohusika kupora
silaha hiyo ambayo alisema ni kosa la jinai na kwamba wanapaswa kuirejesha
silaha hiyo mara moja.
Alisema kitendo cha wananchi
kujichukulia sheria mkononi hakifai, na
kuwataka wafuate sheria za nchi kuwa chombo pekee cha kutoa haki ni mahakama na
sio kuanza kupigana na kusababisha madhara
“Haifurahishi hata kidogo
kusikia raia anamnyang’anya askari silaha kali kama SMG anakwenda nayo wapi kama sio naye ni mhalifu”alisema Kanali Nzoka huku akiapa
kuwa lazima silaha ipatikane na wahusika kufikishwa mahakamani
Mwisho.
Maoni
Chapisha Maoni