Baadhia ya wananchi wa mji wa Kibaya wakiwa kwenye foleni ya maji ambapo imeelezwa ili kupata maji lazima kuwekwa foleni kwa siku tatu
Huduma
ya maji Kiteto yageuka kuwa biashara
Na Mohamed Hamad Manyara
HUDUMA ya maji wilayani
Kiteto Mkoani Manyara imegeuka kuwa biashara inayofanywa na taasisi za Serikali
(mamlaka za maji wilaya) hali inayosababisha usumbufu kwa wananchi kwa
kuwachelewesha
katika kujiletea maendeleo yao
Ndoo moja ya maji inauzwa
kati ya Tsh 1,000 na 1,500 maeneo ya vijijini hali iliyodaiwa kuwa wananchi wanalazimika kutumia gharama kubwa
ya pesa na muda kusaka maji hayo kuliko kufanya shughuli zingine za maendeleo
Wakizungumza na MTANZANIA
wananchi hao wamesema biashara hiyo inafanywa na baadhi ya viongozi wa Serikali
kwa kuwatumia baadhi ya vijana wilayani humo kuuza maji kwa kutumia
maboza,viberenge na pikipiki maarufu bodaboda
“Huwezi kuamini viongozi
wakubwa wananufaika sana na huduma hii ya maji na ndio maana utakuta hakuna
ufumbuzi wa dhati katika utatuzi wa maji hali hii inatugharimu sana wananchi,
tunaiomba Serikali iingilie kati kwani tunaumia sana,”alisema Ramadhani Machaku
(mwananchi)
Alisema kila siku mtu
akiamka asubuhi anafikiria namna ya kupata maji na wakati mwingine wanaweka foleni kwa zaidi ya siku tatu ili
wapate maji, na kuongeza huduma hii inawalazimu kutumia muda mwingi kuliko kazi
nzingine za maendeleo
Kutokana na adha hiyo
wananchi wa mjini wa Kibaya na wale waishio vijijini wameitaka Serikali kuzuia
maji kuwa biashara na badala yake iwe huduma kama ilivyokuwa awali kwani
kufanya hivyo inawagharimu katika maisha yao
Serikali ya wilaya imedai
kuwa watahakikisha kuwa maji yanapatika kwa wingi mijini na vijijini kutokana
na mipango ambayo imewekwa kama moja ya jitihada za kuwaokoa wananchi na
matatizo yanayowakabili
Akizungumza hayo Mkuu wa
Wilaya ya Kiteto Bi. Martha Umbulla alisema kuwa tatizo la maji ni kubwa
wilayani hapo kutokana na uchakavu wa miundombinu ambayo ni ya toka mwaka 1970
wakati wananchi hao wakiwa 12,000
“Vipo visima alivyotuahidi
Mhe. Rais wetu wakati wa kampeni na naamini kuwa ahadi hiyo itatekelezwa bila
wasiwasi, kwa hivi karibuni savey ilifanyika na kubainii maeneo yatakayochimbwa
visima hivyo”alisema Bi. Umbulla
Amewataka wananchi hao kuwa
na subra wakati Serikali yao ikiwa katika mchakato wa kuwafanikishia huduma
hiyo na kuongeza kuwa kwa kiasi kidogo cha maji yaliyopo kitumike vizuri bila
hujma ili yaweze kusaidia
mwisho
Maoni
Chapisha Maoni