27
Jela kwa kukutwa ndani ya Hifadhi Kiteto
Na Mohamed Hamad
JUMLA ya watu 27 Wilayani Kiteto Mkoani Manyara wamehukumiwa
kwenda Jela mwaka mmoja kwa kosa la kukutwa ndani ya Hifadhi ya Emboley
Murtangos iliyoundwa na Vijiji saba kama msitu wa jamii
Idadi hiyo ni kati ya watu 105 waliokamatwa Januari 27
mwaka huu na kufikishwa kwa hakimu mkazi wa Mahakama ya mwanzo Kibaya kwa
tuhuma za kukutwa ndani ya Hifadhi hiyo Wilayani humo
Hakimu Bruno Bongole akisoma shitaka moja kwa watu hao 27
alisema watuhumiwa kwa pamoja walikutwa ndani ya Hifadhi ya Halmashauri ya
Wilaya ya Kiteto ya Emboley Murtangos kinyume cha sheria ambayo ilisajiliwa
mwaka 2013
Baadhi ya watuhumiwa walikana shitaka hilo na kesi kuanza
kusikilizwa ambapo walalamikaji walikuwa ni Halmashauri ya Wilaya ya Kiteto pamoja
na Serikali kuu ambao waliwakamata na
kuwafikisha mahakamani hapo
Kwa upande wa Serikali kuu alikuwa ni Mkuu wa Wilaya ya
Kiteto Bi.Martha Umbulla akiwakilishwa na katibu tawala, na Halamshauri
alikuwemo mwanasheria wa Halamshauri Cosmas Msemwa,Barhezi Titi, Mariamu
Mohamed mafisa misitu
Kwa mujibu wa Hakimu Bongole washitakiwa wakiongozwa na Fokas Rafael kwa pamoja
wametakiwa kwenda Jela mwaka mmoja bila faini kwa madai kuwa ni stahili yao ili
iwe fundisho kutokana na jinsi mvuto wa kesi hiyo ilivyo
Kati ya idadi hiyo wapo wazee wawili wa miaka 60,mwananke
mmoja mwenye mtoto na mtoto wa miaka 14
ambapo wao walifungwa kifungo cha nje kutokana na umri na pia mwanamke kuwa na
mtoto wa kunyonyesha
Akizungumzia hukumu hiyo Mwenyekiti wa wakulima Bw.Maneno
Saidi Mpanda wa Laitime alisema suala hili lina utata mkubwa kutokana a na
jinsi lilivyoendeshwa na Uongozi wa Wilaya ya Kiteto ambao wamekiuka maagizo ya
Waziri Mkuu
Alisema Waziri Mkuu Mizengo Pinda alipofika Kiteto alitoa
agizo la kuwafumbaza wakulima na kujiona kuwa wangeweza kuendelea kuwepo akisema
watu waliopo walindwe,wapatiwa chakula, wakati Serikali inajiridhisha kuhusu mipaka
ya eneo hilo
“Waziri Mkuu alisema kuna mtu ana miaka 20 eneo la kwa
Mtanzania atampeleka wapi, akisema katembea kwa Hekopta hajaona Hifadhi
akisisitiza Uongozi wa Kiteto ukae na kuangalia upya kama nia ya Hifadhi ipo
ama haipo” alisema Mwenyekiti huyo
Alisema baada ya agizo hilo siku chache Serikali ya
Kiteto ikaanza operesheni ya kuwakamata watu na kuharibu makazi yao huku
mashamba yakichungiwa mifugo maeneo ya mlima Itamba wakiendelea kuishi humo
kwenye Hifadhi na kuharibu mazao ya wakulima
Kwa upande wake Mkuu wa Wilaya ya Kiteto Bi Martha
Umbulla akizungumza na Nipashe hivi karibuni alisema wanachosimamia ni amri ya
Mahakama ya Rufaa ambayo ilitolewa mwaka 2012 kuwa hatakiwi mkulima wala
mfugaji kwenye eneo hilo
Mwisho
Maoni
Chapisha Maoni