mmoja wa wanajamii ya kifugaji (mmasai) aliyenusurika kuuawa mjini kibaya hivi karibuni akikimbizwa hospitali kutokana na migogoro ya ardhi inayoendelea kujitokeza
Wanne wafariki Kiteto akiwemo mtoto wa miaka sita
- · Watuhumiwa watoweka na ngombe zaidi ya 2000
Na Mohamed Hamad Manyara
WATU wanne wa jamii ya kifugaji (wamasai) Wilayani Kiteto
Mkoani Manyara wameuawa kikatili katika matukio tofauti akiwemo mtoto wa miaka
sita kisha kuporwa mifugo yao (ng’ombe) 2000
Tukio la kwanza limetokea kitongoji cha Engaloji kwa kuuawa
watu watatu akiwemo mtoto wa miaka sita ambao kwa pamoja walivamiwa kisha
kukatwakatwa na kitu chenye ncha kali sehemu mbalimbali za miili yao
Kwa mujibu wa Kamanda wa Polisi wa Mkoa Manyara Deusdeti
Nsimeck amewataja marehemu hao kuwa ni pamoja na Makaloti Kitemela (70) Ngobilo
Lengashumu (60) na mtoto mdogo Meshaki Ngonyani (6.5)
Kamanda Nsimeck amesema mbali na mauaji hayo wameporwa
mifugo zaidi ya elfu mbili kisha kutokomea nayo kusikojulikana ambapo baada ya
jitihada kubwa zilizofanywa na jeshi la polisi kwa ushirikiana na wananchi waliweza
kuokoa baadhi ya mifugo hiyo
Amedai kuwa jumla ya ng’ombe 2296 ziliporwa na watu hao
ambao walielekea katika moja ya chanzo cha maji kisha kupora mifugo mingine
zaidi na kutoweka nayo ambapo hata hivyo mifugo 2040 ilikamatwa katika maeneo
mbalimbali ikisafirishwa
Watu 11 wanashikiliwa na Jeshi la polisi Wilayani Kiteto
kwa tuhuma za mauaji pamoja na kukutwa na mifugo hiyo ambapo jitihada zaidi za
kutafuta mifugo pamoja na watuhumiwa zikiendelea
Amesema Jeshi la polisi Wilayani Kiteto linaendelea na
jitihada za kurejesha amani ambayo imetoweka katika maeneo hayo ambapo kila
kundi limejiandaa kukabiliana na tukio hilo dhidi ya mwenzake
Tukio linguine la mauaji limetokea katika kijiji cha
Dosidosi ambapo mwanaume mmoja aliyefahamika kwa jina la Paremalo Lembogwa (55)
mfugaji amekutwa ameuawa karibu na nyumbani kwake na watu wasio julikana
Kwa mujibu wa kamanda huyo alisema tukio hilo limetokea
usiku wa kuamkia Aug 6 ambapo marehemu aliokotwa baada ya mwili huo kuonekana
na wasamaria wema waliokuwa wanapita katika maeneo hayo na kutoa taarifa
Katika hatua hiyo Kamanda Nsimeck ameyataka makundi
yanayohasimiana Wilayani Kiteto ambao ni wakulima na wafugaji kuacha mara moja tabia
za kujichukulia sheria mkononi akisema kama kuna lalamiko lolote wafuate
taratibu za kufikisha malalamiko yao kwenye vyombo vya sheria
Kamanda Nsimek ameliambia gazeti hili kuwa miili mitatu
imehifadhiwa katika Hospitali ya Wilaya ya Kiteto na kwamba mara baada ya
upelelezi kukamilika watuhumiwa hao watafikishwa mahakamani kujibu tuhuma zao
Matukio ya mauaji yameendelea kujitokeza mara kwa mara
Wilayani Kiteto kutokana na kugombea ardhi jambo ambalo makundi hayo yaliomba
Serikali kusaidia kutatua kwa kutengwa maeneo bila mafanikio
Maoni
Chapisha Maoni