Na. Mohamed Hamad Manyara
Mwenyekiti wa tume ya
maridhiano ya wakulima na wafugaji wilayani Kiteto mkoani Manyara Askofu Amos
Mhagachi amekerwa na viongozi wa Kiteto ambao amedai hawawajibiki na kubaki kulalamika
huku wananchi nao wakilalamika
Kila kada ya uongozi
ukihojiana nao kuhusu maendeleo ya
wilayani na hata migogoro ya ardhi wanalalamika huku wananchi nao wakilalamika
badala ya viongozi hao kuonyesha elimu zao kuusaidia umma ambao umechanganyikiwa
juu ya yanayojitokeza kila siku yakiwemo mauaji kati ya wakulima na wafugaji
Askofu Mhagachi na kamati
yake ya maridhiano iliyoundwa na Waziri Mkuu Mizengo Pinda jana katika ukumbi
wa Halamshauri ya Wilaya walikutana na viongozi wa vijiji (watendaji) maafisa Tarafa,madiwani,pamoja
na wakuu wa idara kwa nyakati tofauti juu ya sakata la migogoro ya ardhi
“Elimu zetu zinahitajika sana kwa wananchi mbona
kila kiongozi akisimama hapa analalamika badala ya kutafuta ufumbuzi juu ya
tatizo hili,naamini elimu ndio kila kitu na nafasi zenu hamkuzipata kwa bahati
mbaya zitumieni vizuri ili wananchi wanufaike nanyi”alisema Akofu Mhagachi
Aliwataka viongozi hao
kutumia elimu zao kukabiliana na changamoto zinazowakabili wananchi zikiwemo
migogoro ya ardhi kati ya wakulima na wafugaji pamoja na mendeleo mengine ambayo
yatawasaidia wananchi kusonga mbele katika kukabiliana na umaskini wa kipato
Wakichangia chanzo cha mauaji
hayo baadhi ya madiwani walionekana kutumia muda mwingi kutuhumiana juu ya
maamuzi waliyokwisha fanyika siku za nyuma juu ya eneo la Emboley Murtangos
kuwa limepitishwa kiubabe kwa nguvu ya
chama chenye madiwani wengi CCM
“Kuna madiwani tulikataa
mpango huu usipite lakini kwa uchache wetu tulionekana wasaliti na hata
viongozi wa CCM ngazi ya mkoa walitumika kufanya vikao vya kimila kuchangisha fedha kwa jamii moja ya wafugaji
ili wafukuzwe wakulima wao wanufaike”alisema diwani Kidawa Othmani CHADEMA
Kwa upande wao watendaji wa
vijiji walikiri kuwa miongoni mwao wanatumika vibaya katika nyazifa zao kumilikisha
watu ardhi zaidi ya ekari zisizotakiwa kutolewa na kijiji ili hali wakijua kuwa
ni kosa jambo abalo limechangia migogoro hiyo huku wengine wajishindwa
kusimamia sheria ipasavyo
Nao wakuu wa idara katika
mahojiano hayo walidai kuwa chanzo cha migogoro hiyo ni uvamizi wa wananchi
kutoka wilaya na mikoa ya jirani kwa shuhuli za kilimo zilizochangia uharibifu
mkubwa wa mazingira
Katika Hatua hiyo Askofu
Mhagachi na makundi hayo alisema dhana ya uwajibikaji kwa kila mtu wilayani
humo imetoweka hivyo ili kuijenga upya Kiteto isiyo na migogoro kila mtu
anatakiwa kuwajibika katika nafasi yake mwisho wa siku wananchi wanufaike
“Wajibikeni viongozi ili
wananchi waone uwepo wenu kuwa una manufaa kinyume chake mtaonekana sawa na
wale wananchi ambao hawajasoma hata darasa moja jambo ambalo ni hatari sana”alisema Mhagachi
Mwisho
Maoni
Chapisha Maoni