NA.MOHAMED HAMAD MANYARA
Hali ya amani wilayani Kiteto
mkoani Manyara inazidi kuwa tete kutokana na mauaji ya kimyakimya yanayoendelea
kujitokeza mara kwa mara kati ya wakulima na wafugaji pamoja na uhalifu wa
kuibiana mifugo.
Pamoja na kuwepo jitihada za Serikali
kukabiliana na uahalifu huo bado hali sio shwari kutokana na sababu mbalimbali
zikiwemo za mamlaka zinazohusika kukabiliana na matatizo hayo “kudanganywa”
Toka Waziri Mkuu Mizengo
Pinda aunde tume ya maridhiano ya wakulima na wafugaji zaidi ya watu watano wamepoteza
maisha akiwemo Msafiri Mwama (50),Bw. Msukuma Aneti (48) na mtoto wa miaka
miwili aliyepigwa risasi akinyonya na mtu asiyejulikana katika Kijiji cha
Lortepes
“Tunapoeleza ukweli kwa viongozi
ngazi ya Taifa juu ya yanayoendelea kutokea Kiteto tunaonekana waongo kutokana
na taarifa za wilaya zinazoandaliwa kwa viongozi hao mara wanapofika”alisema
Bakari Maunganya (mwananchi)
Baadhi ya viongozi wa Wilaya
ya Kiteto akiwemo aliyekuwa mkuu wa Wilaya na Mbunge viti maalum (CCM) Martha
Jaki Umbulla aliwahi kueleza Bunge, Kiteto ni shwari akipingana na aliyekuwa
mkuu wa Polisi Wilaya Foka Dinya ambaye alisema mauaji yanaendelea
Alisema tofauti hizo ndizo
zilizochangia matatizo hayo ambayo kwa sasa Serikali imetumia gharama kubwa
kuunda tume na kamati mbalimbali kwaajili ya kuchunguza na hata kuandaa ripoti
ya Serikali juu ya kinachoendelea Kiteto
Hivi karibuni Waziri Mkuu
Mizengo Pinda aliunda tume ya maridhiano ya wakulima na wafugaji ambayo
inaendelea kukutanisha makundi mbalimbali ya wananchi kusaka amani hiyo ambayo
inazidi kutoweka
Mbali na tume hiyo pia Bunge
liliunda kamati maalumu kuchunguza migogoro hiyo na kuwasilisha taarifa
Bungeni, kazi ambayo imedaiwa kuwa imetumia gharama kubwa za wananchi ambazo
haikuonyesha mafanikio yake
Kuhusu uhalifu wa wizi wa
mifugo kila mara matukio yameendelea kujitokeza ambapo zaidi ya ng’ombe 20 za
Diwani wa kata ya Magungu (CCM) Daudi Mwedimage ziliporwa hazikuonekana hadi
hii leo
Kutokana na wizi wa mifugo unaoendelea kijitokeza watu
wanne wanashikiliwa na polisi Kiteto kwa
tuhuma za wizi wa mifugo zaidi ya 70 ya familia ya Bw. Farah ambayo 43
ilipatikana baada ya mchungaji kuporwa akiwa machungajini
Mwisho
Maoni
Chapisha Maoni