GEKULI:Tusiposhika Dola mwaka huu
hatutaweza tena
NA. MOHAMED HAMAD MANYARA
Mwenyekiti
wa Baraza la Wanawake CHADEMA (BAWACHA) Mkoa wa Manyara Paulina Gekul amesema,
kama CHADEMA hakitashika Dola mwaka huu uwezekano wa kushika hautakuwepo tena
baada ya miaka 50 ijayo
Akizungumza
leo (jana) kwenye mkutano mkuu wa chama hicho wilayani Kiteto Gekul alisema,
nafasi ya UKAWA kushika dola mwaka huu ni kubwa kwani wananchi wamejitambua
tofauti na miaka iliyopita kutokana na sababu mbalimbali zikiwemo vitisho vya
utawala wa CCM
“Kuna
viashiria vingi sana vinavyo onyesha UKAWA kushika Dola naamini CCM
watakimbilia mahakamani baada ya kuangushwa, kwani walitegemea kuona wananchi
wakibaki mbumbumbu badala yake kila mmoja sasa ameamka na anajitambua”
“Bila shaka mnafahamu
kilichofanyika Bungeni, wabunge tumepambana vya kutosha mmeona hali halisi ya
nchi yetu imefilisiwa na mafisadi hapa ilipofika kila eneo hali imekuwa ngumu
si kwa vijana wala wazee twendeni pamoja safari yetu tufike salama, tujiunge na
jeshi la ukombozi kuwaadhibu CCM mwaka huu”alisisitiza Gekul
Aliwataka
wanachama hao kujitokeza kwa wingi kugombea nafasi mbalimbali za uongozi
kuanzia ngazi ya chini mpaka juu akisema
wasiachie hata moja, kwani ikiachwa wazi inawapa kiburi CCM kujiona kuwa bado wana
haki wa kuendelea kuwa madarakani
Hata hivyo
mkutano huo ulilenga kuchagua mwanachama mmoja atakayepeperusha bendera ya
CHADEMA katika nafasi ya Ubunge, pamoja na Ubunge Viti maalum ambao majina yao
yatawasilishwa Taifa kwaajili ya uteuzi zaidi
Waliojitokeza
kuwania nafasi ya ubunge wa Jimbo ni Pascal William Chibala na Kidawa Othman
Kidawa, huku viti maalum Ubunge wakiwania wanachma watatu Sisca Seuta
Seuta,Angela Raphael Laiza na Mery Thomas Temba
Akizungumzia
nafasi ya viti maalum Mwenyekiti huyo alisema kwa waliojitokeza wana nafasi
kubwa kwani walitakiwa wawe kumi badala yake wamejitokeza watatu na baada ya
uchaguzi huo majina yao yatawasilishwa Taifani kwa uteuzi
Kuhusu
wagombea wa Jimbo alisema nafasi inayotakiwa ni moja hivyo wajumbe wanatakiwa
kuwa makini kumpata atakayejibu matatizo ya wananchi na anayekubalika kwa wote
ili iwe rahisi kunadiwa kwani kwa wilaya ya Kiteto ni rahisi kutokana na
changamoto zilizojitokeza
“Kiteto kuna
mauaji ya kila mara,huduma duni za afya,elimu,maji nakadhali sasa mnataka nini
CCM wataeleza nini yao ngumu mwaka huu, hatuwezi kucheka na nyani tutaendelea
kuvuna mabua”alisisitiza Mwenyekiti huyo
Kwa upande
wa wanachama hao walisema matarajio ya UKAWA kuchukua Jimbo ni makubwa kutokana
na mauaji yaliyotokea chini ya utawala wa CCM, huku kukiwa hakuna jitihada
zozote zilizochukuliwa nna utawala huo
Akizungumza
kwa hisia kali Salmu Ramadhani Mambo (mjumbe) kutoka kata ya Kijungu alisema tume kadhaa ziliundwa na
Serikali baada ya kujitokeza mauaji ya wakulim ana wafugaji lakini hazijazaa
matunda kutokana na kukosekana kwa ufuatiliaji wa kina
Huwezi kuwa
na kiongozi bubu ambaye hasemi, tulitegemea Mbunge wetu Benedict Nangoro awe
mstari wa mbele katika kuelezea hili na kuonyesha hata dhamira ya kushuhulikia
lakini imekuwa kinyume chake watu wamezidi kuuana mpaka sasa hatujui hatma yake
Akizungumza
hivi karibuni kwenye mikutano ya CCM kuomba ridhaa wananchi kumteua tena
kugombea jimbo la Kiteto Benedict Ole Nangoro alisema hakuwa na chakusema
katika mgogoro huo kwani hatua zaidi zilikwisha kuchukuliwa na mamlaka husika
ambazo ni Serikali
“Sikuweza
kuingilia kwani tuliona Serikali imechukua hatua,watu wamekamatwa na kufikishwa
mahakamani hapo mbunge kusema ni sawa na kuingilia mahakama kazi yake hjambo
ambalo ni kosa kubwa”alisikika akisema huku akizomewa na wananchi wa kata ya
Njoro kwa kauli hiyo
MWISHO
Maoni
Chapisha Maoni