Lusinde
amshukia mgombea Urais wa Ukawa
- · Amtaka authibitishie umma afya yake
- · Asema ana mashaka ya uelewa wa Sumaye
- · Adai hata Kikwete akiondoka, CCM itashinda
- · Wagombea wa Ukawa wote ni Ma-TX
Na. Mohamed Hamad
MJUMBE wa Halmashauri kuu ya CCM Taifa na mgombea
Ubunge kwa tiketi ya chama cha mapinduzi CCM Jimbo la Mtera Livingstone Lusinde
(Kibajaji), amemshukia mgombea Urais wa Ukawa Edward Lowassa na Fredrick Sumaye
kuwa hawana fadhila
Akizungumza na mamia ya wananchi kwenye uzinduzi wa
kampeni za CCM Kiwilaya zilifanyikia kata ya Matui Wilayani Kiteto mkoani
Manyara Lusinde alisema, Serikali ya CCM iliwapa dhamana kubwa viongozi hao
kama walishindwa , watawezaje kuwatumikia hivi sasa kupitia Ukawa
“Tatizo lililopo kwa viongozi wengi hapa nchini, ni
kukosa uvumilivu wa kisiasa, mtu akiambiwa apumzike ili mwingine naye aongoze
inakuwa nongwa, atabubujikwa na maneno mengi na hata kuzua maneno kuwachanganya
wananchi ili washindwe kugundua ukweli”alisema Lusinde
“Wananchi mtafakari viongozi waliohama CCM na
kujiunga na Ukawa, kule wamepewa nafasi za kugombea waulizeni walifanya nini
awali hao ni Ma-TX hawana jipya Edward ametoka CCM,Chadema wamemwazima mgombea
mwenza wa urais kutoka CUF sio muumini
wao”alisema Lusinde
Alisema katika miaka ya uchaguzi ambayo CCM itashinda
kwa rahisi ni mwaka huu wa 2015 kwani wagombea wote ni wa CCM, tunafahamiana,
Watanzania tendeni haki katika kuamua wenu nani anafaa kuongoza alisisitiza
Lusinde
Katika hatua hiyo alisema Waziri Mkuu mstaafu
Fredirck Sumaye hajaeleweka kwa watanzania, kwani kati ya viongozi walionufaika
na chama kwa miaka mingi ikiwemo ile ya uwaziri mkuu ni yeye kilichomkimbiza
CCM ni nini?alihoji Lusinde
Wamasai
kujiunga na Ukawa
Kuhusu jamii ya kifugaji wamasai kujiunga na Lowassa
aliyehamia CHADEMA alisema, Hakuna ukweli
wowote, akidai wakati akiwa kiongozi mkuu
wa Serikali aliwasaidia nini, mbona mpaka sasa baadhi yao wameendelea kulinda
makufuli mijini (walizi) alisema Lusinde
Alisema kama hoja hiyo ina ukweli, wagombea
wanaotokana na jamii ya kifugaji masai ambao wako CCM watapigiwa kura na nani
ikiwa wote watahamia CHADEMA kwa Lowassa, alisema kwa hisia kali
JK
akihama, CCM itashinda tu
Akiaminisha wana-CCM Lusinde alisema, hata kama Jakaya
Mrisho Kikwete ataihama, CCM itaendelea kuongoza na kushinda chaguzi mbalimbali
tena kwa kishindo dhidi ya vyama vya upinzani
Alisema CCM ni chama imara ambacho kimetandaa nchi
nzima tofauti na vyama vingine vya siasa ambavyo toka kuanzishwa mfumo wa vyama
vingi hapa nchini mwaka 2002, havijaweza kuingia kwenye maeneo waliko CCM
Kuhusu mkoa wa Arusha kuwa na bahati ya pekee kutoa
mawaziri wakuu watatu, Lusinde alisema hiyo ni bahati ya pekee ambayo mikoa
mingine hapa nchini haikupata fursa hiyo, hivyo iko haja kwa viongozi hao kushukuru
kupata nafasi hiyo
“Tazama Marehemu Sokoine alitoka Arusha,Sumaye huko
huko na Edward naye pia, sasa mnataka nini tena wananchi wa kanda hiyo, hebu tuangalie
na haki itendeke”alisisitiza Lusinde huku ummati mkubwa wa wananchi ukizizima
kumshangilia
Akimnadi mjumbe wa Halmashauri kuu ya CCM na mgombea
Ubunge wa Jimbo la Kiteto Emmanuel Papian Lusinde alisema Kiteto ina uongo
mwingi ambao ulifanya jina hilo kucheleweshwa mara baada ya kura za maoni,
lakini baada ya uchunguzi imeonekana kuwa anafaa
“Sikilizeni wananchi wa Kiteto, mimi ni mwanaume…
kule Jimboni kwangu wananifahamu, hata wajumbe wenzangu wa NEC wananielewa,
kazi ngumu ilikuwa ni maamuzi tuliyofanya Dodoma kubakiza majina matatu,
wananifahamu Lusinde ni nani …mimi ni mwanaume bwana usisikie”alisikika Lusinde
akisema hivyo
Alisema mgombea huyo alionekana kuletewa maneno
mengi kuwa hafai hali ambayo yeye alishauri uchaguzi urudiwe lakini aliambiwa
na wakubwa zao kuwa atulie..na kuundwa tume maalumu kuchunguza na kubaini
anayefaa kuwa ni yeye
Akizungumza na wananchi hao Emmanuel Papian
aliwashukuru kwa kumteua ndani ya chama chake na kuwaomba nguvu hiyo ya umma
itumike kumthibitisha ili aweze kutatua matatizo na kero mbalimbali za wananchi
zinazowakabili kwa muda mrefu bila ufumbuzi
“Ndugu zangu wananchi,baada ya shukurani zangu za
dhati kwenu kunipitisha kuwa mgombea nipeni sasa ridhaa na mnithibitishe ili
nianze kuchapa kazi, najua nini mahitaji ya wanakiteto kwani hata mimi
ninayaishi hapa”alisema Papian
Alisema cha kwanza atakachoanza nacho ni kurejesha
amani iliyokwisha kutoweka miongoni mwa wanaKiteto kutokana na mgogoro wa
ardhi,ataimarisha uchumi wa mtu mmoja mmoja na vikundi kwa kutumia taasisi za
kifedha
Lingine ni kusimamia upatikanaji wa huduma za jamii
bora na kwa wakati kwa kushirikiana na Serikali na mashirika ya umma
kuhakikisha kuwa wananchi wananufaika na fursa hizo ambazo kwa muda mwingi
zimekuwa adimu
Aliwataka wananchi hao kukichagua chama cha
mapinduzi CCM kuanzia nafasi ya udiwani,Ubunge na Urais kuwa itakuwa rahisi
kufikia malengo ya wananchi kwa kuzungumza kwa kuelewana tofauti na kuwa na
mchanganyiko wa viongozi mbalimbali toka vyama vingine
Kwa upande wake Mbabire Oleikurukuru kiongozi wa
mila wa jamii ya kifugaji masai aliyefuatana na viongozi wenzake katika
uzinduzi huo wa kampeni za CCM alisema sasa jamii hiyo imepata mwelekeo kuwa
nani watampigia kura
“Tumeamua kuipa CCM kura, kura za wafugaji wamasai
zimenyooka, wale waliosema kuwa tumehamia CHADEMA hapana tupo na CCM mpaka
mwisho hatuja wahi kuihama CCM”alisema huku akishangiliwa na wanananchi hao
Mwisho
Maoni
Chapisha Maoni