Jitihada
za viongozi Kiteto ni za kuigwa.
NA. MOHAMED HAMAD.
Miradi ya maendeleo wilayani Kiteto mkoani Manyara, imetajwa
kuwa kivutio cha viongozi hapa nchini, kutokana na usimamizi wa majengo hayo.
Miongoni mwa viongozi waliovutiwa ni Waziri wa Nchi
Ofisi ya Rais TAMISEMI, Selemaji Jafo, Mkuu wa Mkoa wa Manyara, Alexander
Mnyeti na viongozi wengine wengi mkoani Manyara.
Kituo cha Afya Sunya, kimekuwa kivutio ambacho serikali
ilitoa mil 400 kujenga majengo matano, jengo la ofisi za Serikali la thamani ya
bil 4.3 linaloendelea kujengwa.
Mengine ni majengo ya sekondari ya Engusero
iliyopandishwa hadi kupokea wanafunzi wa kidato cha tano na sita wilayani humo.
Serikali ilitoa fedha kwaajili ya miradi hiyo baada
ya kuonekana uhitaji wa huduma hizo, kisha kutoa maelekezo ya namna ya
kutekeleza ili ilete tija kwa jamii.
Kwa nyakati tofauti viongozi hao, wamekuwa wakitembelea
miradi hiyo na kujiridhisha namna inavyotekelezwa kulingana na fedha
zilizotolewa na Serikali.
Waziri Jafo alisema baada ya kukamilika majengo ya
kituo cha Afya Sunya ataleta vifaa tiba pamoja na madawa ya mil 300 ili huduma
ya afya iweze kutolewa kwa wananchi.
Kituo hicho kina vyumba maalumu vya wajawazito kujifungulia
mbali na vilivyopo hapa nchini katika hospitali
ya Taifa muhimbili ambapo katika maeneo ya wilayani kata pekee iliyobahatika
kujengewa vyumba hivyo ni Sunya.
Majengo mengine ni ofisi za Serikali ghorofa moja
zinazoendelea kujengwa kwa gharama ya bil 4.3 mjini Kibaya kuwa ni mfano wa
kuigwa katika maeneo mengine hapa nchini.
Hata hivyo mfumo unaotumika wa ujenzi huo ni kutumia
mafundi wa kawaida (Force account) ambapo msimamizi wa miradi hiyo ni
Mkurugenzi mtendaji wa halmashauri ya wilaya ya Kiteto Bw. Tamimu Kambona.
Katika kufanikisha ujenzi
huo mkurugenzi mtendaji wa halmashauri ya wilaya ya Kiteto mkoani Manyara, Tamimu
Kambona, amekuwa akisimamia miradi hiyo kwa umakini kubwa.
Mafanikio hayo yaliweza
kufanya ajenga maboma manne ya madarasa kati ya matatu aliyotakiwa kujenga na
Serikali yakiwa na kiwango kinachostahili.
Maeneo yaliyofanikiwa kujengwa majengo hayo ni
pamoja na shule ya Sekondari Engusero iliyopo kata ya Engusero iliyopatiwa mil
215 kuongeza majengo ili iweze kupokea kidato cha tano.
Kuwa pamoja na kujengwa maboma pia mabweni mawili ya
wavulana na wasichana yamejengwa na kuelekezwa yaitwe Magufuli la kiume na
Samia la Wasichana.
Hali hiyo imewapa wananchi matumaini makubwa kuwa
mkurugenzi huyo amekuwa msaada mkubwa kwao na ambaye ameonyesha nia njema kuwa
mfano kwa wenzake hapa nchini.
Kambona aliteuliwa na Rais John Pombe Magufuli, kuwa
mkurugenzi wa halmashauri miezi 21 iliyopita akitokea Mtwara kama afisa elimu wa Wilaya.
Awali wilaya ya Kiteto ilionekana kama eneo la
wapiga dili katika usimamizi wa miradi ya maendeleo, hali iliyofanya baadhi ya wananchi
kutoaminiana nyakati zote.
Mkurugenzi Tamimu Kambona alianza kutekeleza miradi
ya ujenzi vijijini na kuonyesha matunda ambapo Serikali kwa kuona hayo
iliongeza fedha zaidi katika miradi wilayani humo.
Miradi bora iliyotajwa ni ujenzi wa nyumba moja ya
walimu inayotumiwa na familia sita iliyoko kata ya Sunya ya thamani ya mil 150,
madarasa nane katika vijiji vya Kijungu na Sunya pamoja na matundu 24 ya vyoo
katika vijiji hivyo.
Miradi mingine ni madarasa manne kati ya matatu
yaliyotakiwa kujengwa shule ya msingi kazingumu na Twanga iliyopo kata ya
Namelock, jengo la zahanati ya Matui ambapo lengo ni kubadilishwa kuwa kituo
cha afya.
Miradi hiyo imempa sifa mkurugenzi huyo baada ya
kuisimamia kikamilifu na kutoa matunda, hali iliyofanya kila anayefika kuridhika
na ujenzi huo kuwa na kiwango
Hata hivyo imeelezwa kuwa kila viongozi wanaofanya
vizuri wilayani humo hawakai muda mrefu hivyo hofu imetandwa kwa wananchi kuwa
kiongozi huyo anaweza kuondolewa muda na wakati wote na kupelekwa kwingine.
Hofu kwa wananchi kuhusu miradi kutekelezwa chini ya
kiwango imetoweka na kwamba manunguniko kama ilivyokuwa awali yamepungua
kutokana na usimamizi huo.
Mwisho.
Maoni
Chapisha Maoni